Këngëtarja dhe aktivistja irlandeze, Sinead O’Connor, ka vdekur në moshën 56 vjeçare.

Në një deklaratë, familja e artistes tha: “Me pikëllim të madh njoftojmë ndarjen nga jeta të Sinead sonë të dashur”.

“Familja dhe miqtë e saj janë të thyer dhe kanë kërkuar privatësi në këtë kohë shumë të vështirë”, thuhej më tej në deklaratë.

Ajo ishte më e njohur për këngën e saj “Nothing Compares 2 U”, e publikuar në vitin 1990.

Kryeministri i Irlandez, Leo Varadkar, bëri një reagim pas vdekjes së këngëtares, teksa tha që ‘talenti i saj ishte i pakrahasueshëm’.

Ylli, e cila ishte e hapur në pikëpamjet e saj sociale dhe politike, publikoi gjithsej 10 albume.

Albumi i parë i O’Connor, “The Lion and the Cobra”, doli në 1987, duke hyrë në top 40 në Mbretërinë e Bashkuar dhe në Amerikë.

Djali 17 vjeçar i artistes nga Dublini, Shane, vdiq vitin e kaluar – disa ditë pasi u raportua i zhdukur.

E martuar katër herë, O’Connor njoftoi në një intervistë me një revistë amerikane në vitin 2000 se ajo ishte lezbike dhe pretendoi se ishte biseksuale në intervistat e mëvonshme për media.

Ajo ka lënë pas tre fëmijë.

E njëjta foli hapur edhe për vuajtjet nga problemet e shëndetit mendor.

Rrjetet sociale ndërkaq u vërshuan me dedikim ndaj O’Connor pasi u njoftua për vdekjen e saj mbrëmjen e së mërkurës. /Telegrafi/